Արտաքին աշխարհ
Ադրբեջանում հոր կողմից բռնաբարված 11-ամյա աղջիկը ծննդաբերել է
Ադրբեջանի իշխանությունները որոշել են պետական ապաստարանում տեղավորել խորթ հոր կողմից բռնության զոհ դարձած աղջկան։
Ինչպես տեղեկացնում են ադրբեջանական ԶԼՄ-ները, սոցիալական աշխատողները եւ հոգեբանները, գնահատելով 11-ամյա մոր հոգեսոցիալական վիճակը, որը հղիացել եւ ծննդաբերել է բռնաբարության հետեւանքով, ձեռնամուխ են եղել նրա վերականգնմանը։ Վերականգնումն անցկացնում են մասնագետներն ըստ համապատասխան ծրագրի, որով նախատեսվում է սոցիալական, հոգեբանական եւ մոր ու մանկան այլ պահանջների ապահովում։
Ավելի վաղ Իմիշլիի շրջանի դատախազություն Կենտրոնական շրջանային հիվանդանոցից տեղեկություն էր ստացվել այն մասին, որ շրջանի 11-ամյա բնակչուհին հղի է։ Դատախազությունում փաստի առիթով հարուցվել է քրեական գործ համապատասխան հոդվածով։ Քննությունը պարզել է, որ Իմիշլիի շրջանի 1978թ. ծնված բնակիչը ենթադրաբար բռնաբարել է իր 11-ամյա խորթ աղջկան։ Դատարանի որոշմամբ տղամարդու նկատմամբ ընդունվել է խափանման միջոց՝ 4-ամսյա կալանք։ Հետաքննությունը շարունակվում է։
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: