Ալկոհոլային դելիրիումի մասին («Սպիտակ տենդ», «Белая горячка»)

 Ալկոհոլային դելիրիումը (Delirium Tremens, առավել հայտնի՝ «Սպիտակ տենդ», ծածկագիրը համաձայն ՀՄԴ-10-ի՝ «F10.4») սովորաբար զարգանում է ալկոհոլի վերջին գործածմանը հաջորդող – օրերի ընթացքում:

 Ալկոհոլային դելիրիումը զարգանում է, երբ ալկոհոլային կախվածություն ունեցող անձը դադարեցնում է ալկոհոլի գործածումը՝ պայմանավորված տարբեր պատճառներով, այդ թվում 

 երբ օրեր/շաբաթներ տևող ալկոհոլի չարաշահման հետևանքով օրգանիզմի ինտոքսիկացիայի և հյուծման արդյունքում այլևս հնարավոր չի լինում գործածել ալկոհոլ,

 երբ սոմատիկ որևէ հիվանդության պատճառով պարտադրված դադարեցնում են օրեր/շաբաթներ տևող ալկոհոլի չարաշահումը:

 Ալկոհոլային դելիրիումը չի առաջանում ալկոհոլային հարբածության ժամանակ:

 Ալկոհոլային դելիրիում առաջանում է ալկոհոլային զրկանքի համախտանիշի ժամանակ՝ որպես բարդություն։

 Ալկոհոլային դելիրիումին բնորոշ են.

գիտակցության դելիրիոզ խանգարումը,
տեղի և ժամանակի նկատմամբ ապակողմնորոշված վիճակը,
տեսողական և լսողական առատ ցնորքները,
ցնորային ապրումները,
զուգահեռ սոմատիկ հիվանդությունների զարգացում և/կամ քրոնիկ հիվանդությունների սրացում,
այլ հոգեախտաբանական և սոմատովեգետատիվ ախտանշաններ։

 Հարգելի՛ հայրենակիցներ, ալկոհոլային դելիրիումը հանդիսանում է ալկոհոլից կախվածություն ունեցող մարդու կյանքի համար վտանգավոր վիճակ, պահանջում է շտապ թմրաբանական օգնություն և ՀՀ առողջապահության նախարարի 2018 թվականի սեպտեմբերի 10-ի թիվ 18-Ն հրամանի համաձայն, ալկոհոլային դելիրիումի առկայության դեպքում պացիենտների ընդունելությունն իրականացվում է շուրջօրյա։

 Կախվածությունների առկայության դեպքում դիմեք մեր կենտրոնի մասնագետներին։

Կախվածությունների բուժման ազգային կենտրոն