Connect with us

Տնտեսություն

Իրանից Հայաստան բենզին ներկրելն այլևս ձեռնտու չէ. «Հրապարակ»

«Հրապարակ» օրաթերթը գրում է. «Իրանից Հայաստան տեւական ժամանակ է՝ բենզին չի ներկրվում։ Պատճառները տարբեր են, բայց ասացին՝ խնդիրը հիմնականում կապված է իրանական վառելիքի գների բարձրացման հետ։

Հիշեցնենք, որ վերջին շրջանում սկսեցին Իրանից մեծ թափով բենզին ներկրել, որը ՌԴ-ից ներկրվող բենզինի համեմատ մոտ 20 դրամով էժան էր վաճառվում։ Հիմա այլեւս ձեռնտու չէ Իրանից բենզին ներկրելը։ Բացի գներից, ասացին՝ այլ խոչընդոտներ էլ կան։ Մեկը Գորիս-Կապան մայրուղու` Ադրբեջանի վերահսկողության ներքո անցնելն է։ Ադրբեջանցիներն այստեղ մաքսակետ են տեղադրել եւ իրանական բեռնատարներից տրանզիտի գումար են գանձում։

Իրանից Հայաստան մտնելիս նավթամթերքով բարձված մեքենաներից գանձում են 250 դոլար, իսկ դատարկ վերադառնալիս՝ 150 դոլար։ Այլ ապրանքներով` շինանյութով, սննդով բարձված մեքենաներից գանձում են 130-ական դոլար մտնելիս եւ դուրս գալիս։ Այսինքն՝ բենզինով բարձված մեկ մեքենան Իրանից Հայաստան եւ հակառակ ուղղությամբ Գորիս-Կապան ճանապարհով անցնելու համար ադրբեջանցիներին ստիպված է վճարել լրացուցիչ 400 դոլար գումար, ինչն էապես ավելացնում է փոխադրման եւ ըստ այդմ` ապրանքի գինը»:

Ամբողջական հոդվածը՝ օրաթերթի այսօրվա համարում

Տնտեսություն

Կառավարությունը մերժեց նվազագույն աշխատավարձը 100 հազար դրամ դարձնելու նախագիծը

Կառավարությունն այսօրվա նիստում հավանություն չտվեց «Նվազագույն ամսական աշխատավարձի մասին» օրենքում փոփոխության նախագծին, որով առաջարկվում է ՀՀ-ում նվազագույն ամսական աշխատավարձի չափը բարձրացնել՝ 68 000 ՀՀ դրամից դարձնելով 100 000 ՀՀ դրամ։

Հարցը ներառված էր չվեկուցվող հարցերի փաթեթում։

Կառավարության որոշման հիմնավորման մեջ, մասնավորապես, նշված է.

«Կառավարության 2021 թվականի օգոստոսի 18-ի N 1363-Ա որոշմամբ հավանության արժանացած ՀՀ կառավարության 2021-2026 թթ․ ծրագրի համաձայն՝ կառավարությունը մինչև 2026 թվականը քայլեր է ձեռնարկելու նվազագույն աշխատավարձը 85.000 ՀՀ դրամ սահմանելու ուղղությամբ։ Նվազագույն ամսական աշխատավարձի շարունակական բարձրացումն ապահովվելու է՝ հաշվի առնելով երկրի մակրոտնտեսական ցուցանիշները։

Այլ կերպ ասած, նվազագույն ամսական աշխատավարձի բարձրացումն անհրաժեշտաբար պետք է ուղեկցվի համապատասխան տնտեսական հնարավորություններով՝ որպես լրացուցիչ ծախսի ֆինանսավորման աղբյուր և հիմք, մինչդեռ տվյալ դեպքում պարզ չէ, թե մակրոտնտեսական ցուցանիշների ինչպիսի փոփոխություններ են հիմք հանդիսացել խնդրո առարկա նախաձեռնության համար:

Նախագծի ընդունման դեպքում ՀՀ-ում նվազագույն աշխատավարձը կկազմի միջին աշխատավարձի մոտ 50%-ը, ինչը, կարծում ենք, բավական բարձր է և կարող է հակադարձ ազդեցություն ունենալ տնտեսական զարգացման վրա, հատկապես, եթե հաշվի առնենք գործազրկության ներկայիս բարձր մակարդակը երիտասարդության և հասարակության ոչ փորձառու (low-skilled) ներկայացուցիչների շրջանում:

Այդ մասին են վկայում նաև ԱՄԿ-ի, ՏՀԶԿ-ի, ԱՄՀի-ի և ՀԲ-ի համատեղ վերլուծության արդյունքները, ըստ որի նվազագույն աշխատավարձի օպտիմալ մեծությունը պետք է լինի միջին աշխատավարձի 25-35%-ի սահմաններում։

Նվազագույն աշխատավարձի շեշտակի բարձրացումը կարող է ուղեկցվել փաստացի արձանագրվող աշխատաժամերի աճով: Հաշվի առնելով այն հանգամանքը, որ նախագիծը չի անդրադարձել գործավարձով և ժամավճարով վարձատրվող աշխատակիցների համար ժամային տարիֆային դրույքի նվազագույն չափին՝ նախագծի ընդունումը կարող է ուղեկցվել նաև ոչ լրիվ դրույքով աշխատողների թվաքանակի աճով:

Զարգացող երկրներում, որտեղ արտահանումը հիմնված է աշխատատար (labor-intesnive) ճյուղերի վրա, նվազագույն աշխատավարձի շեշտակի աճը կարող է հանգեցնել տնտեսության մրցունակության նվազմանը և արտահանման ծավալների կրճատմանը։ ՀՀ-ի դեպքում նշվածը կարևոր կարող է լինել, օրինակ, մշակող արդյունաբերության համար, քանի որ նվազագույն աշխատավարձ ստացողների մոտ մեծամասնությունը զբաղված է հենց այդ ոլորտում։

 Նվազագույն աշխատավարձի՝ հատկապես մեծ չափով փոփոխությունները պարունակում են էական գնաճային ռիսկեր: Տարբեր վերլուծությունների համաձայն նվազագույն աշխատավարձի յուրաքանչյուր 10% ավելացումը կարող է հանգեցնել 0.3-0.7 տոկոսային կետ լրացուցիչ գնաճի:

Նշված պայմաններում նախագծի ընդունումը նպատակահարմար չէ»։

Continue Reading

Տնտեսություն

Նազենի Հովհաննիսյանը ցույց է տալիս, թե ինչպես է իր բանկային քարտը կցում apple դրամապանակին (Տեսանյութ)

Continue Reading

Տնտեսություն

Այս պայմաններում 7 տոկոս տնտեսական աճը ֆանտաստիկա է. Բագրատ Ասատրյան (Տեսանյութ)

Continue Reading
Տնտեսություն6 hours ago

Կառավարությունը մերժեց նվազագույն աշխատավարձը 100 հազար դրամ դարձնելու նախագիծը

Քաղաքականություն7 hours ago

«Ազգակործան պատուհաս» ասելու համար նյութեր են նախապատրաստվում իմ նկատմամբ քրեական գործ հարուցելու համար․ Շահեն Հարությունյան

Քաղաքականություն7 hours ago

Մանուել Մանուկյանին ԵՊՀ-ից հեռացրել են (Տեսանյութ)

Առողջություն8 hours ago

Բոլոր խանութներն ու ռեստորանները կարող են մեկ ամսով փակվել․ Փաշինյան (Տեսանյութ)

Քաղաքականություն8 hours ago

ՔՊ-ական Հայկ Կոնջորյանը հիշո՞ւմ է իր «Ամոթը» (Տեսանյութ)

Քաղաքականություն10 hours ago

Որոշ ՔՊ պատգամավորների համար իրենց ստամոքսը, բիզնեսը ավելի կարևոր է, քան ժողովրդի անվտանգությունը (Տեսանյութ)

Քաղաքականություն11 hours ago

Կառավարությունն ասաց՝ նահատակված հերոսի եղբայրները ձեռք, ոտք ունեն, թող աշխատեն, երբ խնդրեցինք օգնել (Տեսանյութ)

Առողջություն11 hours ago

«Օմիկրոնը» ՀՀ-ում է, վերադառնում ենք տագնապալի վիճակի, հերթական ալիքն է սկսում. Փաշինյան (Տեսանյութ)

Քաղաքականություն12 hours ago

Ես թրաֆիքինգի զոհ չեմ․ Սիմիդյանը՝ իր ու մյուս նախարարների՝ Փաշինյանի ճնշման տակ աշխատելու մասին (Տեսանյութ)

Քաղաքականություն12 hours ago

Քերոբյանն օրերս կլքի իր պաշտոնը, Փաշինյանն էլ ա ճանապարհին․ Թադևոս Ավետիսյան (Տեսանյութ)

Ամենաընթերցվածները