Սահմանամերձ Վերին Կարմիրաղբյուրի հողերը վերածվում են աղբանոցի
Տավուշի մարզի Բերդ համայնքի աղբավայր արդեն քանի տարի «ընտրվել» է Վերին Կարմիրաղբյուր գյուղին պատկանող հողերի անմիջական հարևանությամբ գտնվող տարածքը, որը գյուղացիների կյանքը վերածել է մի իսկական մղձավանջի՝ սպառնալով վերածվել տեղային մասշտաբի էկոլոգիական աղետի: Վերջիններս ամեն օր ավելի քան 15 կիլոմետր ճանապարհ կտրելով ու հասնելով իրենց պատկանող հողերին, ստիպված են, մշակելու փոխարեն, այն մաքրել աղբից, աշխատել թունավոր ու սանիտարական առումով խիստ խնդրահարույց տարածքի հարևանությամբ: Իսկ Բերդ համայնքի ղեկավարն այս իրավիճակը մատնել է բացարձակ անուշադրության: