«Դեկտեմբերի 8-ի գիշերը հայ-ադրբեջանական պետական սահմանի Քելբաջարի ուղղությամբ զոհվել է զինծառայող Ալիև Ասիֆ Ադիլ օղլուն», – այս մասին հայտնում է Ադրբեջանի պաշտպանության նախարարությունը։
Փոխհրաձգությունը տեղի է ունեցել Գեղարքունիքի և օկուպացված Քարվաճառի սահմանին:
«Դեկտեմբերի 8-ի ուշ երեկոյան Ադրբեջանի զինված ուժերի ստորաբաժանումները, տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված ՀՀ ԶՈՒ մարտական դիրքերի ուղղությամբ։ Պատասխան գործողություններով հակառակորդի կրակը լռեցվել է։ Հայկական կողմից տուժածներ չկան։
ՀՀ պաշտպանության նախարարությունը Ադրբեջանի պաշտպանական գերատեսչությանը կոչ է անում ձեռնպահ մնալ իրադրությունը սրելուն միտված սադրիչ գործողություններից», – հայտարարել է Հայաստանի ՊՆ-ն: