Ադրբեջանի հարցերով փորձագետ Գառնիկ Դավթյանը ֆեյսբուքյան էջում գրել է.
«Ինչպես և ասում էի, Բաքուն հայ գերիների՝ Հայաստանում վերջին կալանավորումն օգտագործելու է հենց Հայաստանի ԴԵՄ: Հետագայում չի վերադարձնելու գերիներին և որ նրանց երրորդ երկիր ուղարկելու պահանջ է դնելու…Գործընթացն արդեն սկսվել է…
Սա էլ իմ պնդման հիմնավորումը.
Այսօր Իլհամ Ալիևի իսպանական EL PAÍS-ին տված հարցազրույցում ասել է.
«Ձերբակալվածներից մի քանիսը (հայ զինվորականներ), մեր վերադարձից հետո, 10 օր առաջ, ձերբակալվել են Հայաստանում։ Սա շատ լուրջ ազդանշան է մեզ՝ այս մարդկանց, նրանց հարազատներին։
Մենք նրանց վերադարձրինք Հայաստան, և նրանք ձերբակալվեցին։ Երևի այս մարդկանց տանջեն։ Նրանք նման փորձ ունեն, մեր գերիները պատմում են հայկական բանտերի սարսափելի ժամանակների մասին։ Սա ցույց է տալիս, որ այդ մարդիկ ենթարկվելու են շատ դաժան խոշտանգումների։ Այդ իսկ պատճառով, եթե մենք ավելի շատ մարդկանց վերադարձնենք, նրանք կձերբակալվեն։ Սա իրական փաստ է…»
Հետևությունները թողնում եմ ձեզ»:
