Արտաքին աշխարհ
Ալիևի ստերը կմեռնեն Ալիևի հետ. Լապշինը ծաղրել է Կրեմլը ադրբեջանական համարող կեղծ քարոզչությունը
Ռուս-հրեա բլոգեր Ալեքսանդր Լապշինը ծաղրել է ադրբեջանական ալիևամետ կայքերից մեկում հայտնված «տեղեկությունն» առ այն, որ Մոսկվայի խորհրդանիշ Կրեմլը իբր կառուցել է ադրբեջանցի՝ ոմն Ալիս Սյուբխան օղլու Քերեմլին:
«Ամենահետաքրքիրն այն է, որ Իլհամստանի հնության մասին այս բոլոր անհեթեթությունները, որոնք հորինել են Ալիևի անգրագետ քարոզիչները, մահանալու են հենց Ալիևի հետ։ Ինչպես մահացան Լենինի և Ստալինի անմահ գործերը, ինչպես մահացավ Թուրքմենբաշու անձի ողբերգական պաշտամունքը, ինչպես անփառունակ կերպով անհետացան Քադաֆիի և Սադամ Հուսեյնի պաշտամունքները։
Բայց ես իմ հավաքածուի համար կցանկանայի մեծն Ալբանացու` Հուշարձանի որդու «գործերի» պաշտոնական ժողովածուն, ցանկալի է՝ նրա ինքնագրով, որում ի մի կբերվեն Իլհամոստանի ձեռքբերումները՝ հին ադրբեջանցիների կողմից կառուցված Գիզայի բուրգերը, գաստարբայթեր Ջամշուտ Օղլըևիչ Քերիմլիի կառուցած՝ Մոսկվայի Կրեմլը, դինոզավրերից առաջ ծագած հնագույն Ալիևոզավրուսը և հին աշխարհի այլ հրաշքներ»,- գրում է Լապշինը:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: