Արտաքին աշխարհ
Թուրքական ռազմակայան է հրթիռակոծվել
Թուրքական «Զլիկան» ռազմակայանը Իրաքում, Մոսուլ քաղաքից հյուսիս-արեւելք, ենթարկվել է երկրորդ հրթիռակոծմանը վերջին երկու օրվա ընթացքում, տեղեկացրել է Իրաքի անվտանգության ծառայության աղբյուրը Shafaq տեղեկատվական գործակալությանը, հաղորդում է ՌԻԱ «Նովոստի»-ն։
«Թուրքական ռազմակայանի գտնվելու վայրում՝ Մոսուլ քաղաքից հյուսիս-արեւելք, երեք հրթիռ է ընկել։ Թուրքական հրետանին արձագանքել է պատասխան կրակով»,- ասել է աղբյուրը։
Աղբյուրի խոսքով՝ ռմբակոծման հետեւանքով թուրքական ռազմակայանում գտնվող զինվորականները չեն տուժել։
Շաբաթ առավոտյան «Կատյուշա» համակարգի երկու հրթիռով ռմբակոծման էր ենթարկվել նաեւ թուրքական «Զլիկան» ռազմակայանի շրջակայքը։
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: