Ժամանց
Բջջային հեռախոսները` ալերգիկ հիվանդությունների պատճառ
Բացի այն, որ բջջային հեռախոսների շահագործման արդյունքում առաջանում է ժամանակի կորուստ, ցավեր դաստակի շրջանում կամ կոշտուկներ ականջի վրա, բջջային հեռախոսները կարող են նաեւ լուրջ ալերգիկ հիվանդությունների պատճառ դառնալ:
Ժամանակակից հեռախոսների արտադրության մեջ օգտագործվում են նյութեր, որոնք վնասակար են մարդու առողջությանը: Այդ նյութերից է նիկելը, որն ալերգիկ ռեակցիաներ է առաջացնում տղամարդկանց 3%-ի, իսկ կանանց` 17%-ի մոտ: Այս մասին զեկույց ներկայացվել է Ալերգիայի, ասթմայի եւ իմմունոլոգիայի ամերիկյան քոլեջի ամենամյա կոնգրեսին:
Նիկելի նկատմամբ ալերգիաներ կարող են առաջանալ նաեւ բանալիների, մանրադրամի հետ շփումների արդյունքում: Սակայն ամենածանր դեպքերը գրանցվել են բջջայինով շատ խոսելու սեր ունեցողների մոտ:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: