Ժամանց
Բանկոմատները նույնքան կեղտոտ են, որքան զուգարանակոնքերը
Բրիտանացի գիտնականները եկել են այն եզրակացության, որ բանկոմատները նույնքան կեղտոտ են, որքան հասարակական զուգարանները: Հակաբակտերիալ ծածկույթներ արտադրող ընկերության միկրոկենսաբանները բրիտանական առևտրային տարբեր կենտրոնների բանկոմատների ստեղնաշարերից և հասարակական զուգարանակոնքերից քսուկներ են վերցրել:
Քսուկները տեղադրվել են մանրէների բազմացմանը նպաստող միջավայրում, որից հետո մանրէների մեծացած գաղութները ենթարկել են միկրոկենսաբանական հետազոտությունների: Պարզվել է, որ բանկոմատի ստեղնաշարերն աղտոտված են բակտերիաներով նույնքան, որքան զուգարանների նստատեղերը: Բակտերիաների որակական պատկերը նույնպես նման էր:
Գիտնականների խոսքերով, մարդիկ պետք է մեծ ուշադրություն դարձնեն իրենց հիգիենային բանկոմատներից օգտվելուց հետո:
Ավելի վաղ ամերիկացի գիտնականները պարզել էին, որ վերելակի կոճակների վրա 35 անգամ ավելի շատ մանրէ կա, քան միջին վիճակագրական հասարակական զուգարանների զուգարանակոնքերին, իսկ նրանց բրիտանացի կոլեգաները պարզել են, որ բջջային հեռախոսների մակերեսը 18 անգամ ավելի շատ է կեղտոտված, քան` զուգարանի բաքերի բռնակները:
Այս մասին գրում է Маяк ռադիոկայանի կայքը:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: