Պաշտպանության նախարար Սուրեն Պապիկյանի հարսանիքը, որը տեղի է ունեցել Գագիկ Ծառուկյանին պատկանող «Փարավոն» ռեստորանում, մի քանի անգամ գերազանցում է նրա աշխատավարձը։ Պապիկյանը պաշտոնապես ստանում է 793 հազար 680 դրամ ամսական աշխատավարձ։ «Փարավոն» ռեստորանային համալիրում միջոցառումները միջինից թանկ արժեն։ Մեկ աթոռի նվազագույն արժեքը սկսվում է 15 հազար դրամից։ Կախված մենյուից՝ գինը կարող է ձգտել անվերջության։ Կոնկրետ Սուրեն Պապիկյանի հարսանիքի մեկ աթոռը արժեցել է 30 հազար դրամ, թեև մենյուն կազմվել է ավելի թանկ ճաշատեսակներից, սակայն ռեստորանը մեծ զեղչեր է արել։ Հարսանեկան արարողությանը հրավիրված է եղել 400 հյուր։
Հարսանիքի կազմակերպչական հարցերով զբաղվել է arpi wedding planner կազմակերպությունը։ Միայն կազմակերպչական ծախսերն այս ընկերությունում արժեն 1500 ԱՄՆ դոլար (714 հազար դրամ)։ Սակայն կան նաեւ հավելյալ ծառայություններ, որոնք ներառված չեն գումարի մեջ։ Օրինակ՝ կազմակերպությունն առաջարկում է նկարահանող ընկերություն, ու եթե հաճախորդը համաձայն է, դրա գինն ավելանում է վերը նշված գումարին։ Կոնկրետ arpi wedding planner կազմակերպությունը համագործակցում է Beautiful day ընկերության հետ։ Այն հարսանեկան արարողություններ նկարահանող ամենաէլիտար ու թանկարժեք ընկերություններից մեկն է։
Oragir.news-ը կապ հաստատեց ընկերության հետ ու փորձեց ճշտել, թե մինիմալ պահանջների դեպքում (2 տեսախցիկ, 2 լուսանկարիչ, դրոն, տեսանկարահանման կռունկ) ծառայությունն ինչ կարժենա։ Ընկերությունից հայտնեցին, որ նման փաթեթն արժե 3500 ԱՄՆ դոլար (1,666,000 դրամ), եթե նկարահանումը կատարվում է full hd թողունակությամբ, իսկ 4K թողունակությամբ դեպքում ծառայությունն արժենում է 4500 ԱՄՆ դոլար (2,142,000 դրամ)։ Ընդ որում, կազմակերպությունից մեզ հայտնեցին, որ նման փաթեթը նախատեսված է մինչև 200 հյուր ունեցող հարսանիքների համար։ Եթե հաշվի առնենք, որ Պապիկյանի հարսանիքին հրավիրված է եղել 400 հյուր, այս թվերը կարող ենք բազմապատկել երկուսով, ու ստացվում է 7000 կամ 9000 ԱՄՆ դոլար, միայն նկարահանումը։
Ամբողջությամբ կարդացեք սկզբնաղբյուր կայքում։