Ժամանց
Բրիտանիայում լույս է տեսել «Ինչ են մտածում տղամարդիկ` սեքսից բացի» գիրքը
Մեծ Բրիտանիայում լույս է տեսել Շերիդան Սիմովի «Ի՞նչ են մտածում տղամարդիկ` սեքսից բացի» գիրքը, որում չկա գեթ մեկ տեքստով էջ: Այն կազմված է 200 սպիտակ էջերից: Չնայած այս անհեթեթությանը` գիրքը դարձել է ամենավաճառվողներից մեկը Բրիտանիայում:
Գիրքը մեծ հեղինակություն է վայելում ուսանողների մոտ, քանի որ այն շատ հարմար է դասախոսություններ գրելու համար: Քիչ չեն նաև այս գիրքը նվեր տվողները:
Հեղինակը նշել է, որ մի քանի տարի ուսումնասիրությունները նախորդել են գրքի տպագրմանը: Եվ նա եկել է այն եզրակացության, որ տղամարդիկ, բացի սեքսից, ուրիշ բանի մասին չեն մտածում:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: