Ժամանց
Մարդն ունի 6-րդ զգայարան
Մասաչուսեթսի համալսարանի գիտնականներն ապացուցել են, որ մարդն, այդուհանդերձ, ունի 6-րդ զգայարան. դա սպիտակուց է, որը նրան թույլ է տալիս կողմնորոշել մագնիսական դաշտերը: Գիտնականներն անցկացրել են փորձ՝ մարդու այդ սպիտակուցը ներդնելով մրգային ճանճերի մեջ: Վերջիններս սկսել են կողմնորոշվել մագնիսական դաշտերում: Այս մասին հաղորդում է The Daily Mail-ը:
Գիտնականներն ասել են, որ այս հետազոտություններն ապացուցում են, որ մարդու այդ սպիտակուցը կարող է աշխատել որպես «մագնիսական սենսոր», սակայն հայտնի չէ, թե ինչպես է մարդ ինքն օգտագործում այս հնարավորությունը: «Սա հարցականի տակ է դնում այն հարցը, թե արդյոք հնարավոր է վերանայել «6-րդ զգայարանի գոյության փաստը»,- Live Science կայքը մեջբերել է գիտնականներից մեկի՝ Սթիվեն Ռիփփերի խոսքերը: «Հնարավոր է, որ այս սպիտակուցը պատասխանատու է մարդու օրգանիզմում մագնիսական դաշտերի ընկալման համար»,- հավելել է նա:
Նման ունակություն նախկինում գիտնականները հայտնաբերել էին կրիաների և թռչունների մոտ, որոնք կարողանում են գտնել իրենց անհրաժեշտ ուղղությունները: Ռիփերն ասել է նաև, որ այս զգայարանը նաև լավացնում է մարդու տեսողությունը:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: