Ինդիանայի համալսարանի Քինսի ինստիտուտի մասնակիցներն անցկացրել են 1000 ամուսնական զույգերի սեռական կյանքի ուսումնասիրություն: Նրանցից շատերն ամուսնացած են եղել 15 տարի և ավելի: Հարցմանը մասնակցել են ամուսնական զույգեր Իսպանիայից, Ամերիկայից, Բրազիլիայից և Ճապոնիայից: Հետազոտության արդյունքները հրապարակված են Archives of Sexual Behaviour ամսագրում:
Պարզվել է, որ տղամարդկանց համար առավել կարևոր են կապվածությունը բնորոշող գործողությունները՝ համբույրը, շոյելը, ողջագուրումը, իսկ կանանց նախևառաջ պետք է սեռական հարաբերությունը: Տղամարդիկ, որոնք հաճախ են համբուրվում, ողջագուրվում, գգվում, երեք անգամ ավելի երջանիկ են, քան նրանք, ում մոտ դա բացակայում է: Կանայք, հակառակ սրան, նշել են, որ իրենց բավարարվածությունը հիմնականում պայմանավորված է սեռական կյանքում ունեցած հաջողություններով:
Կանայք և տղամարդիկ նաև նշել են, որ տարիների ընթացքում սեռական հարաբերությունների որակը բարձրանում է: 15 տարի հետո սեռական կյանքից բավարարվածությունն աճում է 20%-ով: Այս ամենը մասնագետները կապում են նախևառաջ այն հանգամանքին, որ ամուսնության առաջին տարիներին երիտասարդ զույգերը զբաղված են երեխա մեծացնելով և չեն ընկալում կյանքի բոլոր կողմերն այնպես, ինչպես ավելի հասուն տարիքում:
