Ժամանց
Բացահայտվել է առանց ցավալի սննդակարգերի նիհարելու գաղտնիքը
Այն մարդիկ, որոնք ցանկանում են անձնական քաշը քչացնել առանց կոշտ սննդակարգի անցնելու, սովամահ լինելու, կարող են դա շատ հեշտ անել, պարզապես անհրաժեշտ է ճաշին մի փոքր ավեի քիչ սնունդ վերցնել: Այս մասին գրում է The Daily Mail-ը:
Փորձը ցույց է տվել, որ ավելի թեթև ճաշը մարդուն քաղցած չի թողել, և մարմինն իր վրա չի զգացել որոշակի կալորիաների պակասը: Արդյունքում` հնարավոր է եղել օրական հրաժարվել 250 կալորիա պարունակող սննդից և նիհարելու գործում ունենալ արդյունք:
Հետազոտությունը կատարել են Քորնելի համալսարանի մասնագետները` Դևիդ Լևիցկու գլխավորությամբ: Նրանք 5 շաբաթ շարունակ հետևել են մի խումբ կամավորների սննդակարգին: Առաջին շաբաթվա ընթացքում կամավորները կերել են այն, ինչ ցանկացել են: Հերթական երկու շաբաթների ընթացքում նրանց մի մասը կերել է միևնույն ուտեստները: Վերջին երկու շաբաթվա ընթացքում կամավորների կեսը կերել է մոտ 250 կալորիայով պակաս, քան մյուս կեսը: Պարզվել է, որ այդ ընթացքում քիչ ուտող կամավորները կորցրել են միջինը 500 գրամ, սակայն դա որևէ կերպ չի ազդել նրանց առողջության վրա:
Հետազոտության մեջ նշվում է, որ նման սննդակարգի դեպքում մարդը կարող է կորցնել տարեկան մինչև 10 կգ ավել քաշ:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: