Արտաքին աշխարհ
Ֆրանսիայում դատարանն ամուսնուն տուգանել է կնոջ հետ սեքսով չզբաղվելու համար
Ինչպես հաղորդում է rokf.ru-ն, Ֆրանսիայում մի կին իր ամուսնու դեմ հայց է ներկայացրել դատարան այն բանի համար, որ վերջինս սեքսով չի զբաղվում իր հետ: Ամուսիններ Ժան Լուին և Մոնիկն ամուսնացած են 21 տարի և ունեն երկու երեխա: Դատարանը հիմք ընդունելով երկրի քաղաքացիական օրենսգրքի այն դրույթը, համաձայն որի` ամուսինները պարտավոր են «համատեղ ընտանեկան կյանք» վարել` տուգանել է ամուսնուն 10 հազար եվրոյով:
Դատավորը մասնավորապես ասել է. «Սեռական հարաբերություններն ամուսինների միջև արտահայտում են նրանց փոխադարձ կապվածությունը, ինչն այս պարագայում բացակայում է»: Ժան Լուիի փաստաբանը չի կարողացել բացատրել, որ հյուծիչ աշխատանքը և ֆիզիկական հոգնածությունը թույլ չեն տալիս ամուսնուն սեռական հարաբերություն ունենալ:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: