Արտաքին աշխարհ
Իր սիրեցյալին 65 հազար անգամ զանգահարած կնոջը կալանավորել են
Ռոտերդամի դատարանը աննախադեպ դատավարություն է սկսել մի կնոջ հանդեպ, ում մեղադրում են իր սիրեցյալին հետապնդելու մեջ: Պարզվել է, որ կինը վերջին մեկ տարվա մեջ ոչ ավել- ոչ պակաս 65 հազար անգամ զանգահարել է իր նախկին ընկերոջը: Նա օրական կատարել է միջինը 178 զանգ. հայտնում է BBC-ն:
Տուժածի խոսքերով` կինը բառացիորեն «ռմբահարել է» իրեն հեռախոսազանգերով, sms-ներով և էլեկտրոնային նամակներով: Ամբաստանյալի իրավապաշտպանները պնդում են, որ կինը շատ մտերիմ հարաբերություններ է ունեցել տղամարդու հետ, հետևաբար նրա գործողությունները չեն կարող անօրինական համարվել, մինչդեռ 62-ամյա տուժածը հայտարարել է, որ կնոջ հետ ոչ մի կապ չի ունեցել:
Դատավարության առաջին օրը դատավորի որոշմամբ կինն ազատ է արձակվել, պայմանով, որ տղամարդուն այլևս չի անհանգստացնի: Սակայն դատարանից դուրս գալուց մեկ ժամ հետո կինը կրկին զանգահարել է տուժածին, և նրան ստիպված կալանավայր են վերադարձրել:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: