Արտաքին աշխարհ
Աշխարհի բռնապետների կարողությունները
Spear’s ամսագիրը հրապարակել է ամենահարուստ բռնապետների ցուցակը: Առաջին տեղում է հայտնվել Եգիպտոսի նախկին նախագահ Հոսնի Մուբարաքը, որի կարողությունը գնահատվել է 73 միլիարդ դոլար: Սա այն դեպքում, երբ նախագահի աշխատավարձը չէր գերազանցում ամսական 800 ԱՄՆ դոլարը:
Երկրորդ տեղում է Լիբիայի արդեն նախկին առաջնորդ Մուամար Քադաֆին, նրա կարողությունը 62 միլիարդ դոլար է, ընդ որում սա այն գումարն է, որը սառեցվել է ամերիկյան և բրիտանական իշխանությունների կողմից, հնարավոր է՝ Քադաֆիի կարողությունն ավելի մեծ լինի:
Երրորդ «պատվավոր» տեղում է Սուդանի նախագահ Օմար Ալ-Բաշիրը: Պարբերականը, Wikileaks-ի տարածած հաղորդագրությանը հղում անելով, նշում է, որ Ալ-Բաշիրի կարողությունը 9 միլիարդ դոլար է:
«Արաբական հեղափոխության» առաջին «զոհ»` Թունիսի նախագահ Զին Ալ-Աբիդին Բեն Ալիի կարողությունը գնահատվել է 5.5 միլիարդ դոլար: Հատկանշական է, որ Բեն Ալիի կարողությունը հավասար է Թունիսի ՀՆԱ-ի 4.5%-ին:
Այս ցուցակում են նաև Պերուի նախկին, Հասարակածային Գվինեայի, Նիկարագուայի և այլ երկրների առաջնորդները:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: