Արտաքին աշխարհ
Դոնորների սերմի օգտագործումը հարուցել է հսկայական խնդիրներ
Կանադացի ռեժիսոր Բարի Սթիվը վավերագրական ֆիլմ է նկարահանել սերմի հայտնի դոնորի մասին, որը դարձել է մոտ հազար երեխայի կենսաբանական հայրը: Կանադայում և ԱՄՆ-ում դոնորների կողմից կենսաբանական հայր դառնալու համար չկա որևէ սահմանափակում, այնինչ Եվրոպայում այդ թիվը սահմանափակվում է 20-ով:
Ռեժիսորը բարձրացնում է մի շարք կարևոր խնդիրներ, որոնց պատասխանը դեռ չի ստացվել: Նա ասում է, որ սերմի նման քանակություններով օգտագործումը հետագայում կարող է բնածին գենետիկական հիվանդությունների տարածման պատճառ հանդիսանալ: «Մենք չենք կարող բացառել այն հնարավորությունը, որ միևնույն դոնորի երեխաները, չիմանալով դրա մասին, կհանդիպեն և սեքսով կզբաղվեն: Մենք չենք կարող բացառել այն հնարավորությունը, որ կենսաբանական հայրը կարող է սեքսով զբաղվել իր իսկ դստեր հետ»,- նշում է նա:
Կանադական Կալգարիի համալսարանի պրոֆեսոր Ժուլյեն Գուիչյոն ասել է, որ չգիտակցված արնապղծության դեպքերը հնարավոր են միևնույն հոր երեխաների միջև. «Այն մարդիկ, որոնք դոնոր են փնտրում, միևնույն սոցիալական դասից են: Նրանք գիտեն մեկը մյուսին, միմյանց խորհուրդ են տալիս այս կամ այն բժշկին, ապրում են հարևան շրջաններում»,- ասել է պրոֆեսորը:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: