Ժամանց
Գիտնականները հայտնաբերել են խրոնիկ հոգնածության դեմ պայքարող դեղամիջոց
Նորվեգացի գիտնականներին հաջողվել է գտնել դեղահաբ, որը կօգնի մեր օրերում շատ տարածված հիվանդության` խրոնիկ հոգնածության համախտանիշի դեմ պայքարում: Այս մասին հայտնում է mignews.com կայքը:
Հաստատվել է, որ հակաուռուցքային ռիտուկսիմաբ դեղահաբը, որը կիրառվում է լիմֆոմայով հիվանդներին և այլ իմունային հիվանդություններ ունեցող մարդկանց բուժելու նպատակով, ազատում է խրոնիկ հոգնածության համախտանիշներից կամ գոնե որոշ չափով թեթևացնում է այն:
Այն բանից հետո, երբ հայտնաբերվել է կապը քիմիոթերապիայի և խրոնիկ հոգնածության ախտանիշների միջև, նպատակաուղղված հետազոտություն է կատարվել, որին մասնակցել են 30 հիվանդներ` խրոնիկ հոգնածության համախտանիշով: Նրանց կեսը ստացել է ռիտուկսիմաբ, իսկ մյուս կեսը` պլացեբո:
Ռիտուկսիմաբ ստացած հիվանդների 15-ից 10-ի մոտ նկատվել է վիճակի բարելավում, իսկ պլացեբո ստացած 15 հիվանդներից 2-ի մոտ է նկատվել նմանատիպ արդյունքներ:
Ռիտուկսիմաբը կիրառվում է չարորակ լիմֆոմայով հիվանդների մոտ B լիմֆոցիտները վերացնելու համար :
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: