Քաղցկեղի հետազոտման ամերիկյան ինստիտուտի ներկայացրած նոր հետազոտությունը ցույց է տալիս, որ հեռուստացույցի առջև երկարատև նստելը կարող է խթանել քաղցկեղի առաջացմանը: Այս մասին հաղորդում է MIGnews.com կայքը:
Ավելի վաղ կատարած հետազոտությունները հաստատում էին այն փաստը, որ ֆիզիկական վարժությունները պաշտպանում են օրգանիզմը քաղցկեղային հիվանդություններից: Այժմ ապացուցված է այն, որ նստակյաց ապրելակերպը նպաստում է ուռուցքների առաջացմանը:
Medical Xpress-ի հաղորդմամբ՝ քաղցկեղի առաջացմանն ու տարածմանը մեծապես նպաստում է պասիվ կենսակերպը:
Ենթադրվում է, որ մարդն օրական նստում է 15,5 ժամ՝ աշխատանքի, սովորելու, ուտելու, հեռուստացույց դիտելու և տրանսպորտ նստելու ընթացքում: Այս հանգամանքը չի կարող օրգանիզմի վրա բացասական հետևանքներ չթողնել: