Մոսկվայի բոլոր օդանավակայաններում միասին արդեն իսկ հետաձգվել կամ չեղարկվել են ավելի քան 200 չվերթներ:
Տեղեկությունը հայտնում է РИА Новости-ն:
Նշենք, որ ՌԴ տարածքում ամբողջությամբ կասեցված են որոշ ուղղություններով թռիչքներ: Դատելով Flightradar24 առցանց ծառայությունից՝ քաղաքացիական ավիացիայի թռիչքներն արդեն դադարեցվել են ՌԴ-ի և Ուկրաինայի, Բելառուսի հարավային և կենտրոնական մասերի, Ռուսաստանի արևելյան և կենտրոնական շրջանների, Մոսկվայի հարևան շրջանների վրայով։
Թռիչքուղու գոտում արգելափակված է նաև Մոսկվայի շրջանի մի մասը։
Flightradar24 քարտեզը ցույց է տալիս, որ ինքնաթիռները չեն թռչում Սմոլենսկի, Կալուգայի, Տուլայի, Բրյանսկի, Օրյոլի, Լիպեցկի, Կուրսկի, Տամբովի, Վորոնեժի, Բելգորոդի, Վոլգոգրադի, Ռոստովի մարզերի, Ստավրոպոլի և մասամբ Կրասնոդարի երկրամասերի վրայով։
Ուկրաինան էլ այսօրվանից փակում է իր երկրի օդային տարածքը քաղաքացիական ինքնաթիռների համար անորոշ ժամանակով:
