Արտաքին աշխարհ
Մոսկվայում բռնաբարված աղջիկը ցած է նետվել 4-րդ հարկից. մոլագարը բնակարանում գերի է պահել ևս 2 կնոջ
Բռնարարը, ով նախօրեին բռնաբարել, ծեծի էր ենթարկել ու դանակահարել Մոսկվայի բնակչուհուն, բնակարանում գերի է պահել ևս երկու կնոջ՝ կպչուն ժապավենով կապելով նրանց ձեռքերը, ասվում է ՌԴ Քննչական կոմիտեի Մոսկվայի Քննչական վարչության կայքում։
Հիշեցնենք՝ դեկտեմբերի 7-ին ծեծի ենթարկված և բռնաբարված կինը, փորձելով փախչել հանցագործից, ցած է նետվել չորրորդ հարկից։ Դրանից հետո բռնարարն իջել է ներքև, փորձել դանակի հարվածներով վերջ տալ կնոջ կյանքին, ինչից հետո անհետացել է։ Տուժածը ողջ է մնացել. նա ծանր վիճակում հոսպիտալացվել է։
«Բնակարանում եղել են նաև 1984 և 1999 թվականներին ծնված երկու կին, որոնց հանցագործը բռնի ուժով պահել է՝ ձեռքերը կպչուն ժապավենով կապելով։ Նրանց հաջողվել է ազատվել և լքել բնակարանը, երբ տղամարդը հեռացել է»,- հայտնել են վարչությունից։
Հարուցվել են քրեական գործեր «Բռնաբարություն», «Սպանության փորձ» և «Ապօրինի ազատությունից զրկելը» հոդվածներով։ 28-ամյա տղամարդը բերման է ենթարկվել:
Կատարվել են նույնականացում և առերեսումներ, կանայք ճանաչել են հանցագործին, որին ցմահ ազատազրկում է սպառնում։
Այսօր քննչական մարմինը Խորոշևսկի շրջանային դատարանից պահանջելու է նրա նկատմամբ խափանման միջոց ընտրել կալանքը։
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: