Արտաքին աշխարհ
Մակրոնը կոչ է արել Եվրոպային պատրաստ լինել պատերազմի
Եվրոպան պետք է մեծացնի ներդրումները պաշտպանական արդյունաբերության մեջ՝ պատրաստվելու համար Եվրոպայում հնարավոր բարձր ինտենսիվության հակամարտությանը, հայտարարել է Ֆրանսիայի նախագահ Էմանուել Մակրոնը։ Նա հինգշաբթի օրը Փարիզում կայացած հանրահավաքում ներկայացրել է իր նախընտրական ծրագիրը, փոխանցում է ՏԱՍՍ-ը։
«Մենք պետք է մեծացնենք ներդրումները պաշտպանության ոլորտում, որպեսզի պատրաստ լինենք բարձր ինտենսիվության պատերազմի, որը կարող է գալ մեր աշխարհամաս», – ասել է Մակրոնը։
Մակրոնը նաև ասել է, որ Ֆրանսիայի զինված ուժերը միակ լիարժեք բանակն են եվրոպական աշխարհամասում՝ մատնանշելով ամբողջ Եվրոպան հզորացնելու անհրաժեշտությունը։
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: