Սուրեն Սուրենյանցը գրել է․

Անհեթեթություն է՝ այսօրվա նվաստացուցիչ վիճակի համար անիծել 90-ականների հաղթանակը:

Այն ինչ որ տեղի ունեցավ 2020 թվականին 44-օրյա պատերազմի ժամանակ, հենց այդ պատերազմը, որը կանխատեսելի էր դեռեւս 1990 թվականին կամ 91 թվականին, երբ որ մենք սկսեցինք Ադրբեջանի հետ մեր խնդիրները փորձել լուծել պատերազմի միջոցով, շատ տեսանելի էր, որ էդպիսի մի իրավիճակ լինելու է:

Վահագն Խաչատրյան

● Նիկոլ Փաշինյանը ու նրա «նախագահ» Վահագն Խաչատրյանը մրցման մեջ են, թե նրանցից ով ավելի տխմար ու հակապետական միտք կարտահայտի:

Խաչատրյանը երկու ակնհայտ կեղծիք է թույլ տվել.

ա) Հայաստանը 90-ականներին(ու երբևէ) չի եղել պատերազմի նախահարձակ,

բ) բացարձակ անհեթեթություն է՝ այսօրվա անփառունակ, նվաստացուցիչ վիճակի համար անիծել 90-ականների հաղթանակը:

Թաթուլ Հակոբյանը ֆեյսբուքում գրել է․

Այս մեկը՝ Ռոբերտ Քոչարյանի ու Սերժ Սարգսյանի կեղծարարության մասին է

Ուրեմն, երբ ՀՀ վարչապետ Նիկոլ Փաշինյանը հայտարարում է, ավելի ճիշտ կեղծում է, թե իբր ՀՀ նախկին բոլոր նախագահները ճանաչել են Ադրբեջանի տարածքային ամբողջականությունը, ՀՀ երկրորդ և երրորդ նախագահներ Ռոբերտ Քոչարյանի ու Սերժ Սարգսյանի շրջապատը շատ կոշտ են արձագանքում, որ Փաշինյանը մանիպուլացնում է, ավելին՝ ասում են՝ մենք Փաշինյանին 42 հազար քառակուսի կմ տարածքով երկիր ենք փոխանցել:

Առաջին. այդ Դուք չեք փոխանցել, այն Դուք զավթել եք 1998թ ռազմապետական հանցավոր հեղաշրջման և 3-4 կեղծված ընտրությունների ճանապարհով՝ Հայաստանի ժողովրդից:

Երկրորդ. Ձեր հոգին շատ նուրբ է և շատ եք նեղվում, որ Փաշինյանը մանիպուլացնում է: Իսկ Դուք ինչո՞ւ եք երկու տասնամյակ մոլորեցրել Հայաստանի բնակչությանը, որ իբր Լևոնը Արցախը ուզում էր հանձնել ու Դուք եկաք փրկեցիք՝ մի օր Լիսաբոնն էիք հիշեցնում, մի օր՝ 1997թ սեպտեմբերյան ասուլիսն ու նոյեմբերյան հայտնի հոդվածը:

Արցախը Ադրբեջանին հանձնողը պիտի սիրով տեղի տար Ելցինի, Քլինթոնի ու Շիրակի, ԵԱՀԿ 54 պետությունների Լիսաբոնի 1996թ դեկտեմբերյան գագաթաժողովի ճնշումներին, որոնք գրավոր տեքստ ընդունեցին, որ Լեռնային Ղարաբաղը ամենալայն ինքնավարությամբ Ադրբեջանի կազմում է:

Լևոնը վետո դրեց: 5 տարվա անկախություն ունեցող երկիրը վետո դրեց և ոչ ասաց Ելցինին, Քլինթոնին, Շիրակին ու ԵԱՀԿ-ին:

Հասկանում ե՞ք, ինչ է տեղի ունեցել:

Բարի գիշեր, իսկ Հայաստանի և Արցախի սահմաններին՝ հանգստություն և խաղաղություն: