Ազատամարտիկ Պավլիկ Մանուկյանը «Նուբարաշեն» ՔԿՀ-ից տեղափոխվել է «Իզմիրլյան» ԲԿ։ Այս մասին News.am-ի հետ զրույցում ասաց Պավլիկ Մանուկյանի կինը՝ Մարինե Մանուկյանը։
Պավլիկ Մանուկյանը 11 օր է՝ «Նուբարաշեն» քրեակատարողական հիմնարկում հացադուլ է հայտարարել։ Նա պահանջում է իրեն տեղափոխել «Դատապարտյալների հիվանդանոց», սակայն որևէ պատկան մարմին նրան առայժմ չի արձագանքել։
Ազատամարտիկի կինը մի քանի ամիս է՝ բարձրաձայնում է ամուսնու առողջական խնդիրների մասին։ Մարինե Մանուկյանը պատմել է, որ Պավլիկ Մանուկյանը ինքնուրույն չի կարողանում տեղաշարժվել, բանտախցի պայմանները բավարար չեն նման հիվանդին պահելու համար։
Հիշեցնենք, որ նախորդ տարի Մանուկյանը ՊՊԾ գունդը գրավելու համար դատապարտվել է 10 տարվա ազատազրկման։
