Հաագայի Արդարադատության միջազգային դատարանը հրապարակեց իր որոշումը Հայաստանն ընդդեմ Ադրբեջանի գործով։
Արդարադատության միջազգային դատարանը «Լաչինի միջանցքի» ապաշրջափակման վերաբերյալ որոշմամբ պարտավորեցնում է Ադրբեջանին իր ստանձնած պարտավորություններով ապահովել անխափան տեղաշարժը միջանցքով։
Ըստ այդ որոշման՝ Ադրբեջանը պարտավոր է ձեռնարկել իրենից կախված բոլոր միջոցները՝ ապահովելու բոլոր անձանց, տրանսպորտային միջոցների և բեռների անխափան տեղաշարժը Լաչինի միջանցքով երկու ուղղություններով՝ կոնվենցիայով ստանձնած պարտավորությունների համաձայն։
