Կախվածությունների բուժման ազգային կենտրոնի 1-ին ստացիոնար բաժանմունքը հիմնանորոգվել է

Սիրելի հայրենակիցներ, 2021 թվականի հունվարից ՀՀ ԱՆ Կախվածությունների բուժման ազգային կենտրոնի 1-ին ստացիոնար բաժանմունքը պացիենտներին բժշկական օգնություն է տրամադրում հիմնանորոգված և նոր գույքով հագեցված բաժանմունքում։

Առողջապահության նախարարության աջակցությամբ կապիտալ վերանորոգվել են բոլոր սանհանգույցները, հիվանդասենյակները, բուժաշխատողների աշխատասենյակները, ջրահեռացման և ջրամատակարարման համակարգը։

Ընդամենը օրեր անց կսկսի լիարժեքորեն գործել նաև սոցիալ-հոգեբանական ծառայության վերանորոգված և նոր կահույքով հագեցված հատվածը։

Հարգելի այցելուներ, հայցում ենք ձեր ներողամտությունը վերանորոգման աշխատանքներով պայմանավորված ժամանակավոր անհարմարությունների համար։

Պացիենտների արդյունավետ բուժման և բուժաշխատողների բնականոն աշխատանքի համար բավարար պայմանների ապահովումն առաջնային է կենտրոնի համար։

Կախվածությունների բուժման ազգային կենտրոն