oragir.news կայքը գրել է․
«Տիգրան Արզաքանցյանը հաղորդում է տվել իմ վրա, և դրա հիման վրա էլ նախաքննական մարմինը ձերբակալել է Արտակ Գալստյանին և Արման Մկրտումյանին, հիմա էլ տանում են կալանքի, մեղադրանքը՝ շորթում։ Նախաքննական մարմին կոչվածը՝ «Արգիշտի հիմնարկ»»,- այս մասին Oragir.News-ի հետ զրույցում ասաց «Հանրային Ձայն» կուսակցության նախագահ Վարդան Ղուկասյանը:
Նրա խոսքով՝ այն մեղադրանքը, որ իրենք գումար են պահանջել «Դիվա» գիշերային ակումբից, ամբողջովին ապատեղեկատվություն է և չի համապատասխանում իրականությանը․ «Այն, ինչ գրված է Տիգրան Արզաքանցյանի ցուցմունքի մեջ, ես երեկոյան իմ հաղորդման ժամանակ հրապարակելու եմ այդ տեքստը, չնայած նրան, որ ինձ ասացին, որ դա նախաքննական գաղտնիք է, բայց ինձ մոտ նախաքննական գաղտնիք գոյություն չունի։ Ինչ այնտեղ գրված է, ես դրա պատասխանը իմ եթերի ժամանակ կտամ։ Այս ամենը սարքած է, կեղծիք և վրեժխնդրություն է Արտակ Գալստյանի նկատմամբ, որովհետև ժամեր անց ես կհրապարակեմ փաստաթղթեր՝ ֆոտո, վիդեո, որի պատճառով Արտակ Գալստյանին ձերբակալել են»,-ասաց նա։
Ղուկասյանն ասաց, որ Արտակ Գալստյանին պետք է ձերբակալեին դեռ ավելի շուտ՝ Դուբայից վերադառնալիս․ «Այնպես ստացվեց, որ նրանք արդեն տեղեկացված էին, որ այն, ինչ նա Դուբայից բերել է իր հետ, այդ մատերիալը ես արդեն ունեմ, այդ պատճառով օդանավակայանում ձերբակալելն արդեն իմաստ չի ունեցել։ Հիմա ձերբակալել են՝ որոշելով նախ գնալ գործարքի, որ հանկարծ այն, ինչ ես այսօր հրապարակելու եմ, այդ բազմաբովանդակ, էպիզոդներով հարուստ իրական հանցագործությունը պաշտոնատար անձանց վերաբերյալ չհրապարակեմ, սակայն դրա մասին մենք ավելի վաղ հաղորդում տվել էինք, բայց ահագին բան կա, ինչից Արգիշտը խաբար չի։ Քանի որ այդ գործով զբաղվում է ո՛չ Արգիշտի հիմնարկը։ Արգիշտն այսօր պաշտպանում է վովա-մովա երևույթին»։
Նա, անդրադառնալով Արզաքանցյանից գումար վերցնելուն, ասաց․ «Արզաքանցյանն այն անձնավորություն է, որ ով իր հետ բառ պետք է փոխանակի, արդեն հիվանդ մարդ է։ Չի կարող նորմալ մարդը Տիգրան Արզաքանցյանի հետ խոսել։ Նա սնանկ ճանաչված անձնավորություն է, նրանից ո՞վ պետք է գումար ուզի, այն էլ 150․000 դոլար։ Արզաքանցյանը ալամ աշխարհին պարտք է։ Սա է ամբողջ քրեական գործի հիմքը։
Ամբողջությամբ կարացեք սկզբնաղբյուր կայքում՝ oragir.news
