Հասարակություն
ՀՌՀ-ն կուսումնասիրի սեպտեմբերի 27-ին Թաթա Սիմոնյանի համերգի հեռարձակումը
Հանրային հեռարձակողի խորհուրդը կուսումնասիրի սեպտեմբերի 27-ին Հանրային հեռուստաընկերությամբ Թաթա Սիմոնյանի համերգի տեսագրության հեռարձակման հանգամանքները։ Այս մասին հայտնել է ՀՌՀ-ն՝ նշելով, որ անհրաժեշտության դեպքում պատասխանատուների նկատմամբ համապատասխան միջոցներ կկիրառվեն։
ՀՌՀ-ի հայտարարության համաձայն՝ համերգը հեռարձակվել է 44-օրյա պատերազմի մեկնարկի վեցերորդ տարելիցին։ Հեռարձակումը հանրության շրջանում առաջացրել է դժգոհություն, քննադատություն և վրդովմունք։
Հանրային հեռուստաընկերությունը դեպքից հետո հրապարակային հայտարարությամբ ընդունել էր իր սխալը և ներողություն խնդրել հանրությունից։
Հանրային հեռարձակողի խորհուրդը նշել է, որ ուսումնասիրությունից հետո իր լիազորությունների շրջանակում միջոցներ կձեռնարկի՝ հանրության համար գերզգայուն թեմաների նկատմամբ պատասխանատվության բացակայությունը հետագայում բացառելու նպատակով։
Աղբյուր՝ aravot.am