Հասարակություն
Դեսպանություններում անձնագրերի տրամադրման ծառայությունը հոկտեմբերի 5-ից ժամանակավորապես կդադարեցվի
ՀՀ արտաքին գործերի նախարարությունը հայտնում է, որ 2026 թվականի մայիսի 11-ին ընդունված «Անձը հաստատող փաստաթղթերի մասին» օրենքով նախատեսվում է Հայաստանում ներդնել անձը հաստատող փաստաթղթերի կենսաչափական նոր համակարգ։
Անցումային գործընթացի կազմակերպման նպատակով 2026 թվականի հոկտեմբերի 5-ից ժամանակավորապես կդադարեցվի ՀՀ դեսպանությունների և հյուպատոսական հիմնարկների միջոցով, այդ թվում՝ տեսակապով, անձնագրերի տրամադրման և փոխանակման ծառայության մատուցումը։
Ծառայության վերսկսման ժամկետների վերաբերյալ լրացուցիչ տեղեկությունը կհրապարակվի դիվանագիտական ծառայության մարմինների պաշտոնական տեղեկատվական հարթակներում։
Աղբյուր՝ 168.am