ԱԺ փոխխոսնակ Լենա Նազարյանը Sputnik Armenia-ի եթերում ասել է.
«Հիմա տարբեր փորձագետներ ասում են, որ մի քանի տարի խաղաղ կապրենք, կհզորանանք, կվերազինվենք և մեր բաժին հաղթանակը կունենանք։ Կներեք, ես այս մտածողությունը համարում եմ հետադիմական և վնասակար։ Ես ուզում եմ, որ մատով ցույց տան, թե ում 18 տարեկան որդու հաշվին են դա ուզում անել: Պետք է փորձենք երկարատև խաղաղություն ունենալ մեր բոլոր հարևանների հետ, որ կորցրած տարածքները չի ուզում պատերազմով հետ բերել, այլ քաղաքական գործընթացների միջոցով անել դա:
Նազարյանն անդրադարձել է նաև այն կարծիքին, թե պարտված երկրի ղեկավարը բանակցել չի կարող` ասելով` գուցե հենց պարտված ղեկավարն այժմ առավել լավ է պատկերացնում մեր դրությունը։
«Փաշինյանի ոտքերն ամուր կերպով գետնին են, ոչ թե երկնքում` երազանքների մեջ։ Նա շատ լավ պատկերացնում է, թե ինչ հնարավորություններ ունենք մենք հիմա, ինչ հնարավորություններ կարող ենք օգտագործել մեզ համար շահեկան դիրքերում հայտնվելու համար»:
«ՉԻ». 18 տարեկան տղաների մասին է մտածում: Երբ պատերազմը կանխելու հնարավորություն կար, այդ 18 տարեկան տղաների մասին ինչո՞ւ չէիք մտածում: 1000 զոհ այս կողմ, 1000 զոհ այն կողմ, դա էական չէ՞ր:
Երբ պատերազմի ընթացքում ավելի լավ պայմաններով զինադադար կնքելու հնարավորություն կար, ինչը կկանխեր նոր զոհերի և տարածքների կորուստը, այն ժամանակ ինչո՞վ էիք մտածում:
Ամբողջությամբ կարդացեք 4rd.am կայքում։