Արտաքին աշխարհ
Ինչ երազանք է իրականացրել Վլադիմիր Պուտինը
Ռուսաստանի նախագահ Վլադիմիր Պուտինը սեպտեմբերի մեկին՝ դպրոցականներին նոր ուստարվա մեկնարկի առթիվ շնորհավորելիս, նրանց հետ ունեցած հանդիպման ժամանակ հայտարարել է, որ երեխա տարիքում երազել է դառնալ նավաստի, հետախույզ, կամ օդաչու եւ կարելի է ասել, որ իրականացրել է իր երազանքը։
«Ես կարողացա հասնել նրան, ինչ երազում էի։ Շատ տղաներ են ցանկանում դառնալ օդաչու կամ նավաստի։ Ես էլ էի երազում։ Հետո սկսեցի երազել, որ կդառնամ հետախույզ։ Եւ իրականացրեցի երազանքս։ Նույնիսկ երբեմն զարմանում եմ, թե ինչպես ստացվեց դա։
Դա այնքան էլ դյուրին չէ, գալ ու ասել՝ ես ուզում եմ հետախույզ դառնալ, ու հենց ասես, քեզ վերցնեն աշխատանքի։ Բայց ես կարողացա դառնալ»,- ասել է Ռուսաստանի նախագահը։
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: