Արտաքին աշխարհ
Բաղդադում` ԱՄՆ դեսպանատան մոտակայքում, հրթիռներ են ընկել
Հոկտեմբերի 31-ի առավոտյան 3 հրթիռներ են ընկել Իրաքի մայրաքաղաք Բաղդադի Ալ-Մանսուր շրջանում՝ «Կանաչ գոտի» հատվածում, որտեղ գտնվում է ԱՄՆ դեսպանատունը:
Այս մասին, RegionMonitor-ի փոխանցմամբ, տեղեկացնում են իրաքյան ԶԼՄ-ները:
Ինչպես հաղորդել է Իրաքի անվտանգության ծառայությունը, հրթիռներից մեկն ընկել է հիվանդանոցի տարածքում, որն առաջացրել է պայթյուն: Հաղորդվում է, որ հրթիռակոծության հետևանքով տուժածներ չկան: Պատճառվել է միայն նյութական վնաս:
Արտաքին աշխարհ
Բաքվում ուժեղ երկրաշարժ է տեղի ունեցել. բնակիչները լքում են տները
Երկուշաբթի երեկոյան Բաքվում երկրաշարժ է տեղի ունեցել, ուժգին ցնցումներ են զգացվել, դեպքի վայրից հայտնում է ՌԻԱ Նովոստիի թղթակիցը։
Քաղաքի բնակիչները սկսել են լքել իրենց տները։
Հանրապետական սեյսմոլոգիական ծառայության կենտրոնից հայտնել են, որ Կասպից ծովում 5,7 մագնիտուդ ուժգնությամբ երկրաշարժ է տեղի ունեցել։
Երկրաշարժը գրանցվել է Բաքվի ժամանակով 00:01-ին։
Երկրաշարժը զգացել են Խաչմազի, Գուբայի, Բաքվի, Սումգայիթի և Աբշերոնի բնակիչները։
Արտաքին աշխարհ
Ուժգին երկրաշարժ Ադրբեջանում
Քիչ առաջ, Երևանի ժամանակով 00.01-ին 5,4 մագնիտուդ ուժգնությամբ երկրաշարժ է տեղի ունեցել Ադրբեջանում: Օջախի խորությունը 35 կմ է:
Այս մասին տեղեկանում ենք եվրոպական սեյսմոլոգիական ծառայության կայքից: