Ժամանց
Կնոջ գեղեցկությունը վտանգավոր է, տղամարդունը` ոչ
Բրիտանական Daily mail պարբերականը տեղեկացնում է գիտնականների մի ուշագրավ եզրակացության մասին, ըստ որի` զույգերի քայքայման պատճառ կարող է լինել կնոջ արտաքին գեղեցկությունը:
Գիտափորձի ընթացքում լուսանկարվել են զույգեր, ինչպես նոր ձևավորված, այնպես էլ տարիների համատեղ կյանք ունեցող: Կանանց և տղամարդկանց գնահատել են արտաքին գրավչության տեսանկյունից, և պարզվել է, որ այն զույգերը, որտեղ կինը զգալիորեն ավելի գեղեցիկ է, քան տղամարդը, ապա այդ զույգերը գոյատևում են ընդամենը մի քանի ամիս:
Գիտնական Ռոբ Բարիսի կարծիքով, ստացվում է, որ հենց կանայք են որոշում` ինչքան կարող է տևել հարաբերությունները, քանի որ նրանք շատ ավելի ինքնավստահ են հարաբերությունները խզելու համար: Նման զույգերում հարաբերությունները կործանվում են նաև ոչ այնքան գրավիչ տղամարդու առաջացրած խանդի տեսարանների պատճառով:
Ուշագրավ է, որ եթե զույգում տղամարդն ավելի գրավիչ է, դա ոչ մի կերպ չի ազդում հարաբերությունների երկարատևության վրա:
Գիտնականները ևս մի հայտնագործություն են արել, ըստ որի` մարդիկ ձգտում են հարաբերություններ ստեղծել այնպիսի մարդկանց հետ, ում դիմագծերը իրենց դեմքի հետ նույն սիմետրիկության են, գրում է newsru.com-ը:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: