Ժամանց
Մազերն անմիջական կապ ունեն մարդու ինտելեկտի հետ
Ֆրանսիացի մասնագետները պարզել են, որ մարդու մազերի որակը կապված է մարդու IQ-ի հետ: Նրանց ուսումնասիրությանը մասնակցել է 2000 մարդ: Այս մասին գրում է Times of India-ն:
Գիտնականները պարզել են, որ մարդու ինտելեկտը կապված է իր մազերի հետ, և մազերը կարող են շատ բան պատմել տիրոջ մասին: Այս կապը նրանք բացատրում են մազերի տիրոջ սննդակարգի հետ: Հայտնի է, որ մթերքները, որոնց մեջ շատ է պղինձն ու ցինկը, բարերար ազդեցություն ունեն հիշողության, ուղեղի աշխատանքի և արյան անոթների վրա:
Հոգեբաններն էլ ավելացնում են, որ մարդու ինտելեկտի վերաբերյալ ինֆորմացիա է պարունակում նաև մազերի գույնը, հատկապես դա վերաբերում է կանանց:
Էվոլյուցիայի ընթացքում խարտյաշներն ավելի քիչ ինտելեկտ են ձեռք բերել, քան մուգ մազեր ունեցողները:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: