Ինչպես միշտ, Լեւոն Տեր-Պետրոսյանի խոսքը ամենալայն արձագանքն է ստանում՝ դրական եւ բացասական։ Այն «լակմուսի թղթի» նման բացահայտում է, թե ով ինչ արժի եւ ինչ է շնչում իրականում։ Որքան էլ առաջին հայացքից տարօրինակ թվա, նրա խոսքի տեղին եւ դիպուկ լինելու չափորոշիչը ոչ այնքան դրական արձագանքներն են, որքան բացասական՝ որպես կանոն արտահայտված վերագրումների, հերյուրանքների, դատարկաբանությունների, վայրահաչությունների տեսքով։ Բովանդակայինի, բանականի, տրամաբանականության մասին խոսելն ավելորդ է։
