Ավելի քան 30 միլիոն իրանցի պատրաստ է զենք վերցնել ամերիկյան ագրեսիայի դեպքում․ Ռեզային

Իրանի Ազգային անվտանգության բարձրագույն խորհրդի քարտուղար, գեներալ-մայոր Մոհսեն Ռեզային հայտարարել է, որ ավելի քան 30 միլիոն իրանցի գրանցվել է «Ջանֆադա»՝ «Զոհաբերություն հանուն Իրանի» արշավում և պատրաստ է զենք վերցնել ամերիկյան ագրեսիայի դեպքում։ Այս մասին նա ասել է կիրակի օրը տված հարցազրույցում, հայտնում է Mehr-ը։

Ռեզային պնդել է, որ ամերիկացի զինվորականները ստիպված են եղել լքել Իրաքը՝ իրանական զինված ուժերից կրած պարտության հետևանքով։ Նրա խոսքով՝ Միացյալ Նահանգները Իրանի հետ դիմակայությունում նվաստացուցիչ պարտություն է կրել։

Իրանի բարձրաստիճան պաշտոնյան նաև հայտարարել է, որ նախկինում Իրանը նվաճելու փորձեր են արել ԱՄՆ-ից ավելի հզոր բազմաթիվ տերություններ, որոնք, սակայն, հետագայում անհետացել են պատմության թատերաբեմից։

Ռեզային ընդգծել է, որ Թեհրանը չի պատրաստվում ամբողջությամբ հրաժարվել դիվանագիտական շփումներից, սակայն մտադիր չէ վերադառնալ դիվանագիտական հարաբերությունների նախկին մոդելին։

Աղբյուր՝ 168.am