Սոչիի օդանավակայանում անօդաչուի բեկորներից հրդեհ է բռնկվել․ «Աերոֆլոտը» փոխել է չվերթները

Սոչիի օդանավակայանում հոկտեմբերի 11-ին օդանավերի մեկնումների և ժամանումների նկատմամբ ժամանակավոր սահմանափակումների ու տեխնիկական խնդիրների պատճառով «Աերոֆլոտը» փոփոխել է չվերթների ժամանակացույցը։ Ընկերությունը որոշ չվերթներ հետաձգել է, իսկ մյուսները՝ չեղարկել։

«Աերոֆլոտը» ուղևորներին հորդորել է օդանավակայան մեկնելուց առաջ իր պաշտոնական կայքում ստուգել չվերթի կարգավիճակը։ Սոչիի օդանավակայանը, որը 12 ժամ չէր աշխատում, վերսկսում է բնականոն աշխատանքը։

Գիշերը օդանավակայանի տարածքում անօդաչու թռչող սարքի բեկորներ են ընկել, ինչի հետևանքով հրդեհ է բռնկվել վարչական շենքերից մեկում։ Հրդեհը մարվել է, տուժածներ չկան, իսկ միջադեպի հետևանքները վերացվել են։

Աղբյուր՝ 168.am