Քաղաքականություն
«Մարդկային այդ տեսակը աղբ չէ, այլ մեր օրգանիզմի մի մասն է, որը պետք է բուժել». Հակոբ Բադալյան
Քաղաքական վերլուծաբան Հակոբ Բադալյանի խոսքով՝ հասարակության արժեքային փոփոխությունների հարցը տարիներ շարունակ չի եղել պետական օրակարգում։ «Պրեսսինգ» հաղորդաշարի եթերում նա նշել է, որ եթե սովորական մարդու համար կարևոր չէ՝ Արցախը կա՞, թե՞ ոչ, և առաջնային է նախկինների կալանավորումն ու ինչ-որ տեղից գումար ստանալը, ապա դա վկայում է լուրջ բացթողման մասին։
«Մարդկային այդ տեսակը աղբ չէ, այլ մեր օրգանիզմի մի մասն է, որը պետք է բուժել։ Օրգանիզմն այնքա՜ն հիվանդ է»,- ասել է Բադալյանը։
Նրա գնահատմամբ՝ երեք տասնամյակ պետական էլիտա եղածները պետք է մտածեին, թե երկրի միջավայրային ռիսկերի պայմաններում ինչպիսի սովորական քաղաքացի են ցանկանում ձևավորել։ Բադալյանը նշել է, որ այդ հարցը պետության օրակարգում չի եղել, ինչն, իր խոսքով, վերածվել է «մեծագույն հանքի», որը շարունակում են անդադար շահագործել և որը դեռ չի սպառվել։
Աղբյուր՝ 168.am
