Հնդկաստանի Քերալա նահանգում 11 մարդու մոտ հայտնաբերվել են մահացու վտանգավոր Nipah վիրուսի ախտանշաններ, նրանց վիճակը կայուն Է: Այդ մասին, ինչպես տեղեկացնում Է «Արմենպրես»-ը, հայտնել Է նահանգի առողջապահության նախարար Վինա Ջորջը, հաղորդում Է NDTV-ն:

Համահնդկական ինստիտուտի բժշկական ֆակուլտետի պրոֆեսոր Աշուտոշ Բիսվասի խոսքով՝ վիրուսի փոխանցողներ են հանդիսանում մրգի չղջիկները: Շնչուղիների հետ կապված ախտանշաններից բացի, վիրուսը կարող Է նաեւ առաջացրել տենդ, մկանային ցավեր, գլխացավ, գլխապտույտ եւ սրտխառնոց:

«Մրգի չղջիկներն ապրում են որոշակի աշխարհագրական տարածքում: Եթե նրանք թռչեն այլ վայրեր, բնականաբար, այդ վիրուսը կարող Է տարածվել: Մենք չունենք այդ հիվանդության բուժման հատուկ մեթոդ»,-ասել Է նա: Բիսվասը հայտնել Է, որ վիրուսն արագորեն փոխանցվում Է մարդուց մարդուն:

«Դրանից առաջ մեզ մոտ եղել Է Nipah վիրուսի երկու բռնկում. մեկը՝ Քերալայում, մյուսը՝ Արեւմտյան Բենգալիայում: Վերջին բռնկման ժամանակ հիվանդացածների մոտավորապես 90 տոկոսը մահացել Է»,-ասել Է Բիսվասը:

Նա հավելել Է, որ խնդիրը կրում Է գլոգալ բնույթ, եւ Հնդկաստանի մերձակայքում գտնվող մի շարք այնպիսի երկրներում, ինչպիսին Բանգլադեշն Է, քանիցս տեղի են ունեցել վիրուսի բռնկումներ: Ավելի վաղ Քերալայի իշխանությունները հաղորդել են այս նահանգի Քոջիքոդ քաղաքում Nipah վիրուսից 12 տարեկան տղայի մահվան մասին:

Այստեղ ուղարկվել Է բժշկական բրիգադ, որն այցելել Է տղայի տուն եւ ռամբուտան մրգի նմուշներ վերցրել շրջակա տարածքներում՝ վարակի աղբյուրները որոշելու համար, հաղորդել Է «Ինտերֆաքս»-ը: