Ժամանց
Գիտնականները կապ են գտել մարդու ֆեյսբուքյան ընկերների և ուղեղի զանգվածի միջև
Լոնդոնի համալսարանի գիտնականները պարզել են, որ ուղղակի կապ գոյություն ունի Facebook սոցցանցում վիտուալ ընկերների քանակի և մարդու ուղեղի որոշ հատվածներում գտնվող գորշ նյութի քանակի միջև: Այս մասին հաղորդվում է EurekAlert կայքում:
Գիտնականները պարզել են, որ մարդ ինչքան շատ ընկերներ դու ունի Facebook-ում, այնքան շատ են ուղեղի 4 մասերում գտնվող գորշ զանգվածները: Առաջին հետազոտությանը մասնակցել է 126 մարդ, այնուհետև արդյունքները հաստատվել են ևս 40 մարդու փորձի վրա: Երրորդ փորձում գիտնականները մանրամասն ուսումնասիրել են 65 մարդու տվյալներ, բացի այդ, ճշտել են նրանց իրական ընկերների թիվը:
Հետազոտությունը պարզել է, որ իրական ընկերների և վիրտուալ ընկերների թիվը ազդում է ուղեղի այն հատվածի չափերի վրա, որը պատասխանատու է զգացմունքների առաջացման համար:
Սակայն ուղեղի մյուս երեք հատվածների վրա ազդեցություն ունենում է միայն վիրտուալ ընկերների թիվը: Այստեղից հետազոտողները գալիս են այն եզրակացության, որ մարդու ուղեղի տարբեր հատվածներ պատասխանատու են տարբեր տեսակի շփման համար:
Գիտնականները նշում են սակայն, որ շատ` դեռ չի նշանակում լավ: Որոշ դեպքերում ուղեղի որոշ հատվածներում գորշ նյութի քանակությունը կապված է որևէ առաջադրանքի վրա կենտրոնալ չկարողանալու հետ:
Հետազոոտությանը մասնակցած կամավորների միջին տարիքը եղել է 23-ը:
Ժամանց
Հայաստանի կառավարությունը Սնուփ Դոգի համերգի համար հատկացրեց մոտ 6 մլն դոլար
Հայաստանի կառավարությունն ավելի քան 2 միլիարդ դրամ (մոտ 6 միլիոն դոլար) հատկացրեց աշխարհահռչակ ռեփեր Սնուփ Դոգի համերգը Երևանում կազմակերպելու համար։ Որոշումն ընդունվեց Հայաստանի կառավարության այսօրվա՝ օգոստոսի 11-ի նիստում։
Գործադիրը սահմանել է «Համաշխարհային աստղի հայաստանյան հյուրախաղեր» երաժշտական նախագծի իրականացման բովանդակային և ֆինանսական շրջանակը, շահառուների ներգրավման և մասնակցության պայմանները:
Նշվում է, որ ծրագրի նպատակն է աշխուժացնել մշակութային կյանքը, միջազգային ասպարեզում բարձրացնել Հայաստանի ճանաչելիությունը և զարգացնել մշակութային զբոսաշրջությունը։ Նախատեսվում է նաև ապահովել խոցելի և թիրախային խմբերի մասնակցությունը համերգին։
«Վերջին տարիներին առավել քան արդիական է դարձել Հայաստանում համաշխարհային աստղերի մասնակցությամբ համերգային լայնամասշտաբ ծրագրեր իրականացնելու հարցը, որը ոչ միայն կարող է նպաստել Հայաստանի ճանաչելիության և վարկանիշի բարձրացմանը, անվտանգ ու ժամանակակից երկրի դիրքավորմանը, մշակութային զբոսաշրջության շրջանակների ընդլայնմանը, այլև կարող է ապահովել երկրի տնտեսական աճը, բիզնես միջավայրի ձևավորման նոր հնարավորություններ ստեղծել:
«Համաշխարհային աստղի հայաստանյան հյուրախաղեր» երաժշտական նախագծի իրականացումը կնպաստի նաև Հայաստանի մշակութային կյանքի աշխուժացմանը»,-ասված է որոշման հիմնավորման մեջ: