Քաղաքականություն
«Գալիք» համալսարանը չի հայտնել Մխիթար Մաթեւոսյանի դեկանի տվյալները
«Իրավունք» թերթը անդրադարձել է Վայքի ՔՊ-ական թեկնածու Մխիթար Մաթեւոսյանի դիպլոմի վերաբերյալ բարձրացված հարցերին։ Թերթի հրապարակման համաձայն՝ Մաթեւոսյանը նախկինում չի հիշել, թե ով է եղել «Գալիք» համալսարանում իր ֆակուլտետի դեկանը կամ ամբիոնի վարիչը՝ նշելով. «Ինչ անեմ, չեմ հիշում»։
«Իրավունք»-ը գրում է, որ փորձել է համալսարանից պարզել այդ տվյալները, սակայն ստացել է բացասական պատասխան։ Համալսարանի գրավոր պատասխանում նշվել է. «Արխիվի ոչնչացված լինելու հիմքով չենք կարող Ձեզ հայտնել տվյալ տեղեկատվությունը»։
Թերթը հարցականի տակ է դնում նման պայմաններում կրթություն ստացած մասնագետների պատրաստվածությունը՝ նկատելով, որ նրանցից ոմանք այժմ աշխատում են պետական համակարգում։
Աղբյուր՝ yerevan.today