Քաղաքականություն
Սամվել Հակոբյանը քննադատել է իշխանությունների արձագանքը սահմանային միջադեպին
«Հայաստան» դաշինքի անդամ Սամվել Հակոբյանը ԱԱԾ-ի շենքի դիմաց ՀՅԴ երիտասարդական միության կազմակերպած ակցիայի ընթացքում քննադատել է իշխանությունների մոտեցումը Սյունիքի սահմանը հատած ադրբեջանցի զինծառայողի գործի վերաբերյալ։
Նրա խոսքով՝ իշխանությունները երեք ամիս առաջ կրկին հասարակությանը խաղաղության խոստում են տվել, սակայն տեղի ունեցածը, այդ թվում՝ հայ կնոջ վրա նրա տան ներսում և երեխաների աչքի առաջ կրակելը, այդ խոստումների իրականության հարց է առաջացնում։
Հակոբյանը նշել է, որ հասարակությունը պետք է գնահատական տա այն իշխանությանը, որը թույլ է տվել օտարերկրյա զինծառայողին հատել սահմանը և մոտ 15 կիլոմետր ներթափանցել երկրի տարածք։ Նա նաև հարց է բարձրացրել, թե արդյոք նույն իրավիճակում հանրային և քաղաքական արձագանքը նույնը կլիներ, եթե երկրի ղեկավարը լիներ Ռոբերտ Քոչարյանը, իսկ Հայ Յեղափոխական Դաշնակցությունը՝ կառավարության կազմում։
Նա հիշեցրել է նաև Սյունիքում պահնորդական ծառայություն իրականացնող անձի սպանության գործը՝ նշելով, որ այդ դեպքում հանցագործին Ադրբեջան են հանձնել և այնտեղ նրան գրեթե հերոսացրել են։
Աղբյուր՝ yerevan.today