Հասարակություն
Գևորգ Քոչարյանը կարևորել է փակ հաստատություններում ինքնավնասման և ինքնասպանության ռիսկերի կանխարգելումը
Արդարադատության նախարարի տեղակալ Գևորգ Քոչարյանը կարևորել է քրեակատարողական հիմնարկներում և փակ հաստատություններում ազատությունից զրկված անձանց հոգեկան առողջության պաշտպանությունը, խնդիրների վաղ հայտնաբերումն ու ինքնավնասման և ինքնասպանության ռիսկերի կանխարգելումը։
«Հոգեկան առողջությունը քրեակատարողական հիմնարկներում և փակ հաստատություններում» թեմայով քննարկման ընթացքում նա ընդգծել է նաև մասնագիտական աջակցության և միջգերատեսչական համագործակցության ապահովման անհրաժեշտությունը։
Գևորգ Քոչարյանն անդրադարձել է ոլորտում իրականացված բարեփոխումներին՝ կարևորելով հոգեկան առողջության պաշտպանության համակարգի շարունակական կատարելագործումն ու մարդակենտրոն մոտեցումը։
Համաժողովն անցկացվել է Եվրոպայի խորհրդի և ՀՀ մարդու իրավունքների պաշտպանի գրասենյակի համագործակցությամբ։
Աղբյուր՝ 168.am