Գերմանիան չի հրաժարվում Ռուսաստանի դեմ նոր պատժամիջոցներից՝ չնայած ԱՄՆ-ի որոշմանը

Գերմանիան շարունակելու է Եվրամիության շրջանակում Ռուսաստանի դեմ նոր պատժամիջոցների մշակումը՝ չնայած ռուսական դիզելի մատակարարումները համաշխարհային շուկայում ավելացնելու շուրջ Մոսկվայի և Վաշինգտոնի պայմանավորվածությանը։ Այս մասին շաբաթ օրը հայտնել է Գերմանիայի կառավարության ներկայացուցիչ Շտեֆան Կորնելիուսը։

Կորնելիուսի խոսքով՝ Բեռլինը տեղեկացված է Ուկրաինա Ռուսաստանի ներխուժման պատճառով սահմանված պատժամիջոցների որոշ սահմանափակումները մեղմելու ԱՄՆ որոշման մասին։ «Ընդ որում, Գերմանիան եվրոպացի գործընկերների հետ շարունակում է աշխատել հետագա պատժամիջոցների մշակման ուղղությամբ»,— նրա հայտարարությունը, որը փոխանցել է AFP-ն, մեջբերում է գործակալությունը։

Ավելի վաղ ԱՄՆ նախագահ Դոնալդ Թրամփը հայտնել էր Ռուսաստանի նախագահ Վլադիմիր Պուտինի հետ ձեռք բերված պայմանավորվածության մասին։ Այն նախատեսում է վառելիքի դեֆիցիտի և գնաճի պայմաններում ռուսական դիզելի մատակարարումների ավելացում համաշխարհային շուկայում։ Երկու ղեկավարների հեռախոսազրույցից հետո ԱՄՆ-ը ժամանակավորապես մեղմել է ռուսական դիզելի հետ կապված գործարքների նկատմամբ պատժամիջոցային սահմանափակումները՝ դրանք թույլատրելով մինչև 2027 թվականի ապրիլի 7-ը։

Աղբյուր՝ 168.am