«Opel Corsa»-ն կողաշրջվել է մայթին․ 2 մարդ տեղափոխվել է «Էրեբունի» ԲԿ

Հոկտեմբերի 11-ին՝ ժամը 10:00-ի սահմաններում, Երևանում՝ Դավիթ Բեկ և Նուբարաշեն փողոցների խաչմերուկում, բախվել են 43-ամյա Զորիկ Ա.-ի վարած «Toyota»-ն և Երևանի բնակիչ 51-ամյա Կարեն Բ.-ի վարած «Opel Corsa»-ն։ Բախման հետևանքով «Opel Corsa»-ն կողաշրջվել է և հայտնվել հետիոտնի համար նախատեսված մայթին։

Shamshyan.com-ի հաղորդմամբ՝ վթարի հետևանքով երկու մարդ մարմնական վնասվածքներով տեղափոխվել է «Էրեբունի» բժշկական կենտրոն։ Տուժածներին առաջինը օգնության են հասել քաղաքացիները, իսկ շտապօգնության հերթապահ խումբը, ըստ քաղաքացիների փոխանցած տեղեկության, դեպքի վայր է ժամանել օպերատիվորեն։

Դեպքի առթիվ քննչական բաժնում նախաձեռնվել է քրեական վարույթ։ Պարզվում են ավտոմեքենաների սեփականատերերի և վիրավորների ինքնությունը։

Աղբյուր՝ yerevan.today