«Եթե շուկաներ չես ստեղծում, մարդն ի՞նչ անի»․ Լևոն Քոչարյան

ԱԺ «Հայաստան» խմբակցության պատգամավոր Լևոն Քոչարյանը Դվին համայնքում հայտարարել է, որ գյուղատնտեսության ոլորտում այս տարի ևս լուրջ անկում է արձանագրվել։ Նրա խոսքով՝ Ռուսաստանի Դաշնության հետ հարաբերությունների սրումը խնդիրներ է առաջացրել հայկական գյուղատնտեսական ապրանքների իրացման հարցում։

«Մեր գյուղացին բերք է արտադրում, ի վերջո, այդ բերքը պետք է տեղ հասնի, վաճառվի։ Եթե շուկաներ չես ստեղծում, մարդն ի՞նչ անի»,- ասել է Քոչարյանը՝ պատասխանելով քաղաքացու հարցին։

Պատգամավորը նշել է, որ ընդդիմությունը երկար ժամանակ նախազգուշացրել է հնարավոր խնդիրների մասին, սակայն դրա համար քննադատության է արժանացել։ Նա ընդգծել է, որ հարցը պետք է դիտարկել գյուղացու շահի տեսանկյունից՝ ապահովելով արտադրված բերքի իրացման հնարավորությունը։

Աղբյուր՝ yerevan.today