Քաղաքականություն
Աննա Գրիգորյանը պահանջում է վերականգնել «Հայաստան» դաշինքի առաջնորդի հետ կապը
ԱԺ «Հայաստան» խմբակցության ղեկավար Աննա Գրիգորյանի խոսքով՝ խմբակցությունը զրկված է դաշինքի առաջնորդի հետ հաղորդակցվելու հնարավորությունից։ Հրավիրված ասուլիսում նա դա որակել է որպես քաղաքական հետապնդման դրսևորում։
Գրիգորյանը նշել է, որ քննվող գործի շրջանակում առաջնորդի կալանավորումն ինքնին աբսուրդ է, իսկ կալանքի պայմաններում անհասկանալի է, թե ինչու չի կարող խմբակցության ղեկավարը շփվել նրա հետ։ Նրա խոսքով՝ քաղաքական հարցերի շուրջ քննարկումները չեն կարող խոչընդոտել գործի քննությանը։
Նա ընդգծել է, որ առաջիկայում քաղաքական ուժը քննարկելու է բազմաթիվ հարցեր, և այդ գործընթացում անհրաժեշտ է իմանալ դաշինքի առաջնորդի դիրքորոշումն ու կարծիքը։ Գրիգորյանի համոզմամբ՝ այդ հաղորդակցությունը պետք է վերականգնվի։
Աղբյուր՝ yerevan.today
