Չինական ընկերություններին է բաժին ընկել մարդանման ռոբոտների համաշխարհային մատակարարումների ավելի քան 97%-ը

Չինաստանի Ժողովրդական Հանրապետության Պետական խորհուրդը հայտարարել է, որ երկիրը կարագացնի արհեստական բանականության, ռոբոտաշինության, քվանտային տեխնոլոգիաների և ջերմամիջուկային էներգետիկայի զարգացումը։

Ծրագրի համաձայն՝ արհեստական բանականությունը պետք է ներդրվի տնտեսության բոլոր ոլորտներում։ Պեկինը նախատեսում է նաև զարգացնել 6G կապի ցանցերը, նեյրոհամակարգչային միջերեսներն ու անօդաչու տեխնոլոգիաները, ինչպես նաև ավելացնել գիտահետազոտական աշխատանքների ֆինանսավորումն ու աջակցել առաջադեմ տեխնոլոգիաներ մշակող ընկերություններին։

Չինաստանն արդեն գերիշխող դիրք ունի մարդանման ռոբոտների ոլորտում։ 2026 թվականի առաջին կիսամյակում համաշխարհային մատակարարումների ավելի քան 97%-ը բաժին է ընկել չինական ընկերություններին։ Շուկայի առաջատարներ AgiBot-ը և Unitree-ն թողարկել են համապատասխանաբար շուրջ 8,4 հազար և 5,9 հազար ռոբոտ։

Քվանտային հաշվարկների ոլորտում Չինաստանի գիտության և տեխնոլոգիաների համալսարանի գիտնականների թիմը ստեղծել է «Ցզյուչժան-4» (Jiuzhang-4) նախատիպը։ Այն աշխատում է 3050 ֆոտոնի հետ և, ներկայացված տվյալների համաձայն, աշխարհի ամենաարագ սուպերհամակարգչից գերազանցում է (10^{54}) անգամ։

Ջերմամիջուկային էներգետիկայի ուղղությամբ BEST նոր կայանքը մտել է հավաքման կարևոր փուլ։ Դրա շինարարությունը նախատեսվում է ավարտել 2027 թվականի վերջին, իսկ ջերմամիջուկային էներգիայի արտադրության ցուցադրությունը՝ իրականացնել 2030 թվականին։

Աղբյուր՝ 168.am